რა არის ოსტეოპათია

ოსტეოპათიური მკურნალობის ერთი სეანსი ზრდასრული ადამიანისთვის გრძელდება 40-45 წუთი, ხოლო ბავშვებისთვის – 30-40 წუთი. სეანსის დაწყებისას ტარდება ორგანიზმის ოსტეოპათიური დიაგნოსტიკა, შემდეგ კი ხდება ორგანიზმში აღმოჩენილი დარღვევების კორექცია. სეანსის ბოლოს ექიმი ატარებს განმეორებით კვლევას, რათა შეაფასოს პროცედურის ეფექტურობა.

სეანსების რაოდენობა ყოველთვის ინდივიდუალურად განისაზღვრება თითოეული პაციენტისათვის, ყველაფერი დამოკიდებულია ჩივილებზე, მდგომარეობაზე და პრობლემის გაოხატულობაზე. როგორც პრაქტიკა გვიჩვენებს, თუკი პაციენტი მოგვმართავს ზურგის ტკივილების გამო, მდგრადი შედეგის შესანარჩუნებლად აუცილებელია ოსტეოპათიური მკურნალობის 3-5 სეანსის ჩატარება.

მკურნალობის გარდა, მუშაობის პროცესში ოსტეოპათი ყოველთვის აძლევს პაციენტს ინდივიდუალურ რეკომენდაციებს. მათი დაცვის შემთხვევაში თამამად შეგიძლიათ გქონდეთ ხანგრძლივი და სტაბილური ეფექტის იმედი.

რაიმე სახის კვლევების (მაგნიტორეზონანსული ტომოგრაფია, ექო, ანგიოგრაფია და ა.შ.) ჩატარების აუცილებლობა თითოეული პაციენტისთვის ინდივიდუალურად დგინდება ოსტეოპათთან პირველი მიმართვისას.

მიუხედავად იმისა, რომ მანუალური თერაპევტიც იყენებს ხელებს პაციენტების სამკურნალოდ, მისი და ოსტეოპათის მუშაობას შორის დიდი სხვაობაა. პირველ რიგში  ეს დაკავშირებულია იმასთან, რომ მანუალური თერაპევტი თითქმის ყოველთვის მუშაობს ძვლოვან-კუნთოვან სისტემაზე, ხოლო ოსტეოპათი მოიცავს ყველა ორგანოს, ახდენს მათ ბალანსირებას და ადაპტირებას ერთმანეთთან, რათა მთლიანობაში ორგანიზმმა ჰარმონიულად იმუშაოს.